دغه کلیسا د محمد له زېږېدنې مخکې جوړه شوې وه. د زرګونو کلونو راهیسې ودانه وه کله چې چې ترکانو په اوسنۍ ترکیه یرغل وکړ او له هغې راهیسې یې دا کلیسا په جومات واړوله.
وروسته د اتاترک په حکم په میوزیم واړول شوه تر څو د عیسویانو احساسات په نظر کې ونیول شي خو اردغان بېرته په جومات واړوله. اوه ویشت نورې کلیساوې هم په جوماتو اړول شوې.
مسلمانان ادعا کوي چې په هسپانیا کې ډېر جوماتونه په کلیسا اړول شوي دي. خو پوښتنه داده چې مسلمانان هسپانیا کې څه کول؟
آیا دوی د ملل متحد سوله ساتونکي ځواکونه وو که یې په یوه خپلواک هېواد یرغل کړی و؟
پکار ده ټول هغه جوماتونه چې د کلیسا او مندر په ځمکو جوړ دي یا کلیسا او مندر په جومات بدل شوي پېرته په خپل اصل حالت بدل شي.
آزادي د انسان توانایي ده چې د خپل ژوند مسیر وټاکي. د انتخاب آزادي، د فکر آزادي، د بیان آزادي، د حرکت آزادي، د راټولېدو آزادي، د اعتراض آزادي، له شکنجې څخه آزادي، او له تبعیض څخه آزادي، دا ټول د آزادۍ مختلف اړخونه دي. آزادي د انساني ژوند لپاره ضروري شرط دی. انسان بې له آزادۍ نه شي کولی چې خپله پیاوړتیا او وده ترلاسه کړي. آزادي انسان ته اجازه ورکوي چې خپلې وړتیاوې او استعدادونو ته وده ورکړي، خپلو موخو پسې لاړ شي او په ټولنه کې ګډون وکړي.
