هرکله چې تاسو د کوم ملا یا ديني تبليغي سره مخ شئ دوي به درته اسلام د امن دین معرفي کوي. دا منم چې هر دینپال چې یو چاته د خپل دین لپاره کوم بل کس ته تبلیغ کوي په لومړیو کې ورته هغه خبرې کوي، چې ډېرې نرمې او زړه راښکونکې وي تر څو تاسو راجلب کړي. د دوی په دې خبرو کې یوه عجیبه مکاري موجوده وي.
که چېرې یو کتاب د سولې او امن پیغام ورکوي او خلک یې د لوستلو وروسته جګړې ته دوام ورکوي، دلته ویل کېږي چې کتاب غلط نه دی بلکه لوستونکي یې غلط تفسیر کوي. نو ایا یوازې د لوستونکو ګناه او قصور ده؟
نه هېڅکله هم نه بلکه قصور د هغه کتاب د ليکونکي او د هغه کتاب دی چې په کتاب کې یې دومره ځای ولې ورکړی دی؟
یا یې پيغام دومره له ابهام څخه ډک ولې پرې ایښی دی چې خلک ورڅخه غلطه استفاده واخلي او وحشي تفسیر ترې وباسي. دا باید یو نیمګړی، بې کاره او نااهله کتاب وګڼل شي. دلته ټول عیبونه په قران او اسلام پورې تړلي دي، که دا دومره بې عیبه او له امن څخه ډک کتاب وي، نو بیا ولې مسلمانان د دې په لوستلو لوستلو سره ګمراه کیږي؟ اوس دلته یوازې مسلمانان د قرآن او سنتو متابعت کوي، مسیحیان یا هندوان خو یې نه کوي.
اوس هر هغه څوک چې ترهګري او وحشتونه کوي د قران په لوستلو سره یې کوي، نه د ګیتا یا بایبل په لوستلو سره. دا پدې معنی چې قرآن عیب لري او ناقص دی نه مسلمان. راځم تاسو د قرآن هغه یو درجن ایتونه وړاندې کوم په کومو کې چې وحشت او ډله اییزې وژنې ته لمن وهي له ژباړې سره یې ولولئ.
① ـــ د سورة البقرة (غوا) 191 آية:
🔯 وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ ۚ وَالْفِتْنَةُ أَشَدُّ مِنَ الْقَتْلِ ۚ وَلَا تُقٰتِلُوهُمْ عِندَ الْمَسْجِدِ الْحَرَامِ حَتّٰى يُقٰتِلُوكُمْ فِيهِ ۖ فَإِن قٰتَلُوكُمْ فَاقْتُلُوهُمْ ۗ كَذٰلِكَ جَزَآءُ الْكٰفِرِينَ.
📕 ژباړه: له هغو سره هر چيري چي مخامخ شئ ویې وژنئ، هغوى له هغه ځايه وباسئ کوم چي تاسي يې ايستلي ياست؛ ځكه كه وژل هر څومره بد عمل دى، خو فتنه له هغه څخه هم ډېره بده ده؛ او مسجد حرام ته نژدې چي تر څو پوري هغوى له تاسي سره نه وي جنګېدلي، تاسي هم ورسره مه جنګېږئ. خو تر څو پوري چي هغو هلته له جنګېدو څخه لاس نه وي اخيستى، نو تاسي هم بې له كومي اندېښنې هغوى ووژنئ، چي د داسي كافرانو همدا سزا ده.
② ـــ د سورة العمران 28 آية:
🔯 لَّا يَتَّخِذِ الْمُؤْمِنُونَ الْكَافِرِينَ أَوْلِيَاءَ مِن دُونِ الْمُؤْمِنِينَ ۖ وَمَن يَفْعَلْ ذَٰلِكَ فَلَيْسَ مِنَ اللَّهِ فِي شَيْءٍ إِلَّا أَن تَتَّقُوا مِنْهُمْ تُقَاةً ۗ وَيُحَذِّرُكُمُ اللَّهُ نَفْسَهُ ۗ وَإِلَى اللَّهِ الْمَصِيرُ ﴿٢٨﴾
📕 ژباړه: مؤمنان دي هیڅكله داسي نه كوي چي مؤمنان پرېږدي او له كافرانو سره ملګرتيا او دوستي وکړي. څوك چي داسي چلن وکړي، د هغه له الله سره هیڅ اړیکه نشته. خو كه تاسي د هغوی (کافرانو) له ظلم څخه د ځان ژغورلو په خاطر، په ظاهره دغه ډول چلند غوره کړئ، نو (بیا څه باک نشته). خو الله تاسي له خپله ځانه ويروي او د هماغه (الله) لوري ته ستاسي ورګرځېدل دي.
③ ـــ سورة العمران 85 آية:
🔯 وَمَن يَبْتَغِ غَيْرَ الْإِسْلَامِ دِينًا فَلَن يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ ﴿٨٥﴾
📕 ژباړه: له اسلام څخه پرته چي هر څوك كوم بل دين غوره کړي، هیڅكله به ورڅخه قبول نکړی شي او په اخرت کي به هغه ناكام او زيانمن وي.
④ ـــ سورة المائدة 33 آية:
🔯 إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَن يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُم مِّنْ خِلَافٍ أَوْ يُنفَوْا مِنَ الْأَرْضِ ۚ ذَٰلِكَ لَهُمْ خِزْيٌ فِي الدُّنْيَا ۖ وَلَهُمْ فِي الْآخِرَةِ عَذَابٌ عَظِيمٌ ﴿٣٣﴾
📕 ژباړه: كوم خلك چي له الله او د هغه له پېغمبر سره جنګیږي او په ځمکه کښي ددې لپاره منډي ترډي كوي چي فساد را ولاړ کړي، نو د هغو سزا دا ده چي ووژل شي، يا په دار وځړول شي، يا يې لاسونه او پښې ردو بدلې غوڅي کړای شي، يا له وطنه وشړل شي. دا ذلت او سپكاوى خو د هغو لپاره په دُنيا کښي دى، او په اخرت کښي د هغو لپاره له دې څخه هم لويه سزا ده.
⑤ ـــ سورة الانفال 12 آية:
🔯 إِذْ يُوحِي رَبُّكَ إِلَى الْمَلَائِكَةِ أَنِّي مَعَكُمْ فَثَبِّتُوا الَّذِينَ آمَنُوا ۚ سَأُلْقِي فِي قُلُوبِ الَّذِينَ كَفَرُوا الرُّعْبَ فَاضْرِبُوا فَوْقَ الْأَعْنَاقِ وَاضْرِبُوا مِنْهُمْ كُلَّ بَنَانٍ ﴿١٢﴾
📕 ژباړه: هغه وخت (یاد کړئ) چي كله ستا رب پرښتو ته اشاره كوله چي: “زه ستاسي سره يم د مؤمنانو قدمونه ثابت کړئ. زه به همدا اوس د كافرانو په زړونو کښي وېره واچوم، نو تاسي د هغوى پر غاړو باندي ګوزار وکړئ او بند بند یې ووهئ.“
⑤ ـــ سورة الانفال 60 آية:
🔯 وَأَعِدُّوا لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِن دُونِهِمْ لَا تَعْلَمُونَهُمُ اللَّهُ يَعْلَمُهُمْ ۚ وَمَا تُنفِقُوا مِن شَيْءٍ فِي سَبِيلِ اللَّهِ يُوَفَّ إِلَيْكُمْ وَأَنتُمْ لَا تُظْلَمُونَ ﴿٦٠﴾
📕 ژباړه: او تاسي تر خپلي وسي وسي ډېر زيات طاقت او تيار زين کړي اسونه، د هغوى د مقابلې لپاره برابر کړئ. تر څو چي په دې وسيله د الله پر دښمنانو، پر خپلو دښمنانو او پر هغو نورو دښمنانو هيبت راولئ، چي تاسي یې نه پيژنئ خو الله یې پېژني. د الله په لاره کښي چي تاسي هر څه ولګوئ، د هغو پوره بشپړ مكافات به ستاسي لوري ته راوګرځول شي. او ستاسي سره به هیڅكله ظلم ونه شي.
⑦ ـــ سورة الانفال 65 آية:
🔯 يَا أَيُّهَا النَّبِيُّ حَرِّضِ الْمُؤْمِنِينَ عَلَى الْقِتَالِ ۚ إِن يَكُن مِّنكُمْ عِشْرُونَ صَابِرُونَ يَغْلِبُوا مِائَتَيْنِ ۚ وَإِن يَكُن مِّنكُم مِّائَةٌ يَغْلِبُوا أَلْفًا مِّنَ الَّذِينَ كَفَرُوا بِأَنَّهُمْ قَوْمٌ لَّا يَفْقَهُونَ ﴿٦٥﴾
📕 ژباړه: [اې پېغمبره (ص)!] مؤمنان (د کفارو په مقابل کي) جنګ ته وهڅوه. كه ستاسي نه شل تنه صابران وي، نو هغوى به پر دوو سوو برلاسي شي؛ او كه سل تنه داسي وي، نو د حق د منكرانو پر زرو تنو باندي به برلاسي شي. ځكه چي منکران داسي خلك دي چي پوهه نه لري.
⑧ ـــ سورة التوبة 5 آية:
🔯 فَإِذَا انسَلَخَ الْأَشْهُرُ الْحُرُمُ فَاقْتُلُوا الْمُشْرِكِينَ حَيْثُ وَجَدتُّمُوهُمْ وَخُذُوهُمْ وَاحْصُرُوهُمْ وَاقْعُدُوا لَهُمْ كُلَّ مَرْصَدٍ ۚ فَإِن تَابُوا وَأَقَامُوا الصَّلَاةَ وَآتَوُا الزَّكَاةَ فَخَلُّوا سَبِيلَهُمْ ۚ إِنَّ اللَّهَ غَفُورٌ رَّحِيمٌ ﴿٥﴾
📕 ژباړه: نو كله چي حرامي مياشتي تيري شي، نو مشركان ووژنئ چيري چي يې ومومئ او هغوى ونيسئ او ايسار یې کړئ، او په هر څارنځي کښي د هغوى لپاره کښېنئ. نو كه هغوى توبه وباسي او لمونځ قايم کړي او زكات ورکړي، نو خوشي یې کړئ. الله بښونكى او رحم كوونكى دى.
⑨ ـــ سورة التوبة 30 آية:
🔯 وَقَالَتِ الْيَهُودُ عُزَيْرٌ ابْنُ اللَّهِ وَقَالَتِ النَّصَارَى الْمَسِيحُ ابْنُ اللَّهِ ۖ ذَٰلِكَ قَوْلُهُم بِأَفْوَاهِهِمْ ۖ يُضَاهِئُونَ قَوْلَ الَّذِينَ كَفَرُوا مِن قَبْلُ ۚ قَاتَلَهُمُ اللَّهُ ۚ أَنَّىٰ يُؤْفَكُونَ ﴿٣٠﴾
📕 ژباړه: او يهوديان وايي چي عُزير(ع) د الله زوى دى او عيسويان وايي چي مسيح (ع) د الله زوى دى. دا بې حقيقته خبري دي چي هغوى یې له خپلو خولو څخه راباسي؛ له هغو خلكو سره سيالۍ کوي چي له دوى څخه مخکي په كفر کښي اخته شوي ول. دوى خداى ووهل، دوى له كومي خوا غولېږي!
⑩ ـــ سورة التوبة 123 آية:
🔯 يَا أَيُّهَا الَّذِينَ آمَنُوا قَاتِلُوا الَّذِينَ يَلُونَكُم مِّنَ الْكُفَّارِ وَلْيَجِدُوا فِيكُمْ غِلْظَةً ۚ وَاعْلَمُوا أَنَّ اللَّهَ مَعَ الْمُتَّقِينَ ﴿١٢٣﴾
📕 ژباړه: اې مؤمنانو! د حق هغه منكران ووژنئ چي تاسي ته نژدې دي؛ او بايد هغوی په تاسي کښي کلکوالی (زیږوالی) ومومي؛ او وپوهېږئ چي الله د پرهېزګارانو ملګرى دى.
⑪ ـــ سورة الحج 19 آية:
🔯 هَٰذَانِ خَصْمَانِ اخْتَصَمُوا فِي رَبِّهِمْ ۖ فَالَّذِينَ كَفَرُوا قُطِّعَتْ لَهُمْ ثِيَابٌ مِّن نَّارٍ يُصَبُّ مِن فَوْقِ رُءُوسِهِمُ الْحَمِيمُ ﴿١٩﴾
📕 ژباړه: دا دوې ډلي (مؤمنان او کافران) چي په منځ کښي يې د خپل رب په باب جګړه ده؛ نو له دوی څخه د هغو خلکو لپاره چي کافران شویدي، د اور جامې جوړي شويدي، د هغو د سرونو د پاسه به خوټېدلي اوبه واړولای شي.
⑫ ـــ سورة محمد 4 آية:
🔯 فَإِذَا لَقِيتُمُ الَّذِينَ كَفَرُوا فَضَرْبَ الرِّقَابِ حَتَّىٰ إِذَا أَثْخَنتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّىٰ تَضَعَ الْحَرْبُ أَوْزَارَهَا ۚ ذَٰلِكَ وَلَوْ يَشَاءُ اللَّهُ لَانتَصَرَ مِنْهُمْ وَلَٰكِن لِّيَبْلُوَ بَعْضَكُم بِبَعْضٍ ۗ وَالَّذِينَ قُتِلُوا فِي سَبِيلِ اللَّهِ فَلَن يُضِلَّ أَعْمَالَهُمْ ﴿٤﴾
📕 ژباړه: نو كله چي له دغو كافرانو سره (په جنګ کي) مخامخ شئ، نو ستاسي لومړی كار (د هغو) د ورمیږونو وهل دي، تر دې پوري چي كله تاسي هغوی ښه وټكوئ، هله نو بنديان كلك وتړئ. د هغه وروسته (ستاسي خپله خوښه ده چي) ښېګنه كوئ (دوی وړیا خوشي کوئ) او كه (د دوی د آزادولو په مقابل کي) د فدیې معامله كوئ تر هغه پوري چي (جنګ کوونکي) خپله وسله وغورځوي. دغه ستاسي د كولو كار دی، كه الله غوښتي واى، نو پخپله به یې له هغو څخه غچ اخستى وای، خو (دغه کړنلاره هغه د دې لپاره غوره کړېده) چي تاسي يو د بل په وسيله وازمايي. او كوم كسان چي د الله په لاره کښي ووژل شي، الله به د هغو عملونه هيڅكله ضايع نکړي.
په پورتنو یو درجن ایتونو فکر وکړئ، نن سبا چې کومې ډلې او فرقې د جهاد په نوم جګړې کوي د همدې ايتونو په تطبيق سره یې کوي. ټالیب، داعش، القاعده، جیش محمد، حزب الله، الحقاني او داسې نورې ډلې چې جګړې کوي ټولې د اسلام تر چتر لاندې یې کوي. پدوي کې هيڅ کومه ډله د عیسویت، یهودیت او هندویزم نه ده بلکې همدا ټولې ډلې اسلامي ډلې دي او یوه ډله هم دا نه وايي چې موږ مسلمانان نه یو او دوی تل دا ادعا او اعتراف کړی چې موږ د اسلام د سپېڅلي دین لاره تعقیبوو او تطبيقوو .
همدا ډول په صحیح الستة احادیثو کې هم د جهاد او جګړې ډېر ایتونه موجود دي چې تاسو ته به یې په راتلونکې لیکنو کې وړاندې کړو.
