حشمت حنيفي ورور پوښتنه کوي چې ایا شیطان ملایکه دی او که پېری؟
ځکه دا دواړه خو مختلف موجودات دي ملایکې معنوي او مطيع موجودات دي چې د خدای له اوامر څخه سرغړونه نه کوي او ټول وخت د خدای اطاعت او عبادت کوي. لېکن پېریان بیا لکه د انسانانو غوندې موجودات بیان شوي چې خطا کوي او ثواب هم ګټي او پيغمبرانو ته اړتیا لري. په قران کې په اکثره مواردو کې شیطان ملایکه بلل شوی خو په یوه مورد کې هغه بیا پېری یا جن بلل شوی نو په دې کيسه مې لږ پوه کړئ چې شیطان کوم یو وو؟ ایا ملایکه او که پېری؟
[divider style=”dashed” top=”20″ bottom=”20″]
[divider style=”dashed” top=”20″ bottom=”20″]
🔯 وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ أَبَىٰ وَاسْتَكْبَرَ وَكَانَ مِنَ الْكَافِرِينَ ﴿٣٤﴾
سورة بقره
📕 ژباړه: او كله چه مونږ ملايكو ته وویل: ادم ته سجده وكړئ، نو هغوى سجده وكړه خو ابلیس نه، هغه انكار وكړ او تكبر يې وكړ، او هغه و له كافرانو نه.
🔯 فَسَجَدَ الْمَلَائِكَةُ كُلُّهُمْ أَجْمَعُونَ ﴿٣٠﴾ إِلَّا إِبْلِيسَ أَبَىٰ أَن يَكُونَ مَعَ السَّاجِدِينَ ﴿٣١﴾
سورة حجر
📕 ژباړه: نو ملايكو ټولو عامو سجده وكړه. له ابلیس نه غير، هغه له دې نه انكار وكړ چې له سجده كوونكو سره ملګرى شي.
[divider style=”dashed” top=”20″ bottom=”20″]
[divider style=”dashed” top=”20″ bottom=”20″]
🔯 وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ ﴿٥٠﴾
سورة الکهف
📕 ژباړه: او (یاد كړه) هغه وخت چې مونږ ملايكو ته وویل: تاسو ادم ته سجده وكړئ، نو دوى سجده وكړه، غیر له ابلیس نه، دا له جناتو څخه وو.
کیدای شي بعضې شیان مې غلط اورېدلي وي ځکه یو څه مې لوستي او یو څه مې د پېښور په مدرسو او جوماتونو کې اورېدلي، هيله ده چې پوښتنې مې په چا بدې ونه لګيږي او ډېره بښنه غواړم چې صحيح سرچينې نلرم نو که تاسې راته علمي او منطقي ځوابونه راکړئ نو زما به د زړه تسکين وشي، که چېرې ښکنځلې مو وکړې نو سيرت النبي ته رجوع وکړئ.
ملګرو د دې ورور پوښتنې ته ديني عالمان را منشن یا ټګ کړئ تر څو د دې ورور پوښتنې ځواب کړي.
سرچينه: د محمد صديق وېبپاڼه (www.mohammadsediq.com)
