💡 په اسلام کې داسې تصور شوی چې ګواکې په کائناتو کې ۷ اسمانونه او ۷ ځمکې شتون لري لکه د قرآن په لاندې ایاتونو کې:

🔯 اللَّهُ الَّذِى خَلَقَ سَبْعَ سَمٰوٰتٍ وَمِنَ الْأَرْضِ مِثْلَهُنَّ يَتَنَزَّلُ الْأَمْرُ بَيْنَهُنَّ لِتَعْلَمُوٓا أَنَّ اللَّهَ عَلٰى كُلِّ شَىْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَىْءٍ عِلْمًۢا (۱۲)

📕 ژباړه: الله هغه ذات دى چي اووه اسمانونه یې پېدا کړل او د همغو په شان له ځمکي څخه هم د هغو په منځ کښي حُكم نازلیږي. (دا د دې لپاره ويل کیږي) چي تاسي وپوهېږئ چي الله پر هر څه قدرت لري، او دا چي د الله علم په هر شي باندي چاپېر دى.

سورة الطلاق

[divider style=”dashed” top=”20″ bottom=”20″]

🔯 فَقَضٰىهُنَّ سَبْعَ سَمٰوَاتٍ فِى يَوْمَيْنِ وَأَوْحٰى فِى كُلِّ سَمَآءٍ أَمْرَهَا ۚ وَزَيَّنَّا السَّمَآءَ الدُّنْيَا بِمَصٰبِيحَ وَحِفْظًا ۚ ذٰلِكَ تَقْدِيرُ الْعَزِيزِ الْعَلِيمِ (۱۲)

📕 ژباړه: هله نو هغه په دوو ورځو کښي اووه اسمانونه پيداکړل او په هر اسمان کي یې د هغه قانون مقرر کړ. او موږ د دُنيا اسمان په ډېوو سره سينګار کړ او هغه مو ښه محفوظ کړ. دا هر څه د يو برلاسي پوه ذات پلان دى.

سورة فصلت

💡 د اسلام بل نظر د کایناتو اړوند دا دی چې دا اوه اسمانونه په لیدوونکو ستنو ولاړ دی:

🔯 اللَّهُ الَّذِى رَفَعَ السَّمٰوٰتِ بِغَيْرِ عَمَدٍ تَرَوْنَهَا ۖ ثُمَّ اسْتَوٰى عَلَى الْعَرْشِ ۖ وَسَخَّرَ الشَّمْسَ وَالْقَمَرَ ۖ كُلٌّ يَجْرِى لِأَجَلٍ مُّسَمًّى ۚ يُدَبِّرُ الْأَمْرَ يُفَصِّلُ الْءَايٰتِ لَعَلَّكُم بِلِقَآءِ رَبِّكُمْ تُوقِنُونَ (۲)

📕 ژباړه: الله هغه ذات دی چي اسمانونه یې له ستنو پرته همداسي درولي دي، تاسي یې په خپله وینئ. بيا یې پر عرش استوا وکړه او لمر او سپوږمۍ یې د يو قانون تابع ګرزولي دي. ددې ټول نظام هر شى تر يو ټاكلي وخت پوري چليږي. او همغه الله ددې ټول كار تدبير كوي؛ هغه نښانې په ډاګه څرګنده بيانوي، ښايي چي تاسي له خپل رب سره په يو ځاى كېدو باور وکړئ.

سورة الرعد

💡 د اسلام بل نظر د کایناتو اړوند دا دی چې ستوري په “لومړی اسمان” کې دي (کوم چې د نړۍ لومړنی آسمان هم ورته ویل کیږي) او د دوی په رڼا سره د نړۍ اسمان ښکلی کوي.

🔯 فَقَضٰىهُنَّ سَبْعَ سَمٰوَاتٍ فِى يَوْمَيْنِ وَأَوْحٰى فِى كُلِّ سَمَآءٍ أَمْرَهَا ۚ وَزَيَّنَّا السَّمَآءَ الدُّنْيَا بِمَصٰبِيحَ وَحِفْظًا ۚ ذٰلِكَ تَقْدِيرُ الْعَزِيزِ الْعَلِيمِ﴿١٢﴾

📕 ژباړه: هله نو هغه په دوو ورځو کښي اووه اسمانونه پيداکړل او په هر اسمان کي یې د هغه قانون مقرر کړ. او موږ د دُنيا اسمان په ډېوو سره سينګار کړ او هغه مو ښه محفوظ کړ. دا هر څه د يو برلاسي پوه ذات پلان دى.

سورة فصلت

🔯 وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِّلشَّيَاطِينِ ۖ وَأَعْتَدْنَا لَهُمْ عَذَابَ السَّعِيرِ ﴿٥﴾

📕 ژباړه: موږ د دُنیا (تاسي ته نژدې) اسمان د ستورو په ډېوو سينګار کړی دی او هماغه (ستوري) مو د شيطانانو د ويشتلو ځغلولو وسايل ګرځولي دي، موږ د دغو شيطانانو لپاره تاوجن (د دوزخ) اور تيار کړی دى.

سورة الملك

💡 د اسلام بل نظر د کایناتو اړوند دا دی چې د سپوږمۍ او لمر رڼا د ستورو په پرتله اوه اسمانونه روښانه کوي ، په شمول د سدرۃ المنتہیٰ او جنت.

🔯 أَلَمْ تَرَوْا كَيْفَ خَلَقَ اللَّـهُ سَبْعَ سَمَاوَاتٍ طِبَاقًا ﴿١٥﴾ وَجَعَلَ الْقَمَرَ فِيهِنَّ نُورًا وَجَعَلَ الشَّمْسَ سِرَاجًا ﴿١٦﴾

📕 ژباړه: ايا نه وينئ چي په څه ډول الله لاندي باندي اووه اسمانونه پيدا کړل؟ او په هغو کښي یې سپوږمۍ ړنا او لمر ډېوه وګرځوله؛

سورة نوح

💡 د اسلام بل نظر د کایناتو اړوند دا دی چې سپوږمۍ او لمر د ګردي پلیټ په څیر “Flat Round Disc” دي. په حقیقت کې، لمر او سپوږمۍ یو له بل سره ګرد پلېټ ډوله نه بلکه کروي او ګول (sphere) دي. سربیره پردې اسلام وايي د لمر او سپوږمۍ مخ د اسمان لور ته اړول شوي، او خیټې یې د ځمکې په لور دي.

📖 (حواله د مستند او صحیح حدیث : له ابن حضرت عباس څخه روایت دی چې د سپوږمۍ مخ په اسمان کې تر عرش پورې دی او شا یې د ځمکې په لور ده. (مستدرک الحاکم، جلد 2، صفحه 545، دار الکتب العلمیة بیروت ))

💡 د اسلام بل نظر د کایناتو اړوند دا دی چې په دوبي کې لمر په “څلورم اسمان” کې وي، پداسې حال کې چې په ژمي کې دا “اووم اسمان” ته ځي او د تودوخې احساس نه کوي.

📖 (حواله: تفسیر القرطبي او تفسیر ابن کثیر : عبدالله ابن عمر وفرمایل: په حقیقت کې په دوبي کې لمر په څلورم اسمان کې وي (دا د هغه د نږدې کیدو له امله سوځي) ، او په ژمي کې لمر اووم اسمان ته نږدې د الله تر عرش لاندې حرکت کوي (او د لرې والي لامل یې دا دی چې یخ کیږي). او که لمر د دې نړۍ اسمان ته راشي (لومړی اسمان چیرې چې ستوري شتون لري) نو بیا به پدې نړۍ کې هیڅ شی پاتې نشي).

دغه پورتني اسلامي نظریات د کایناتو اړوند دي چې حتی د هيڅ عقل څښتن ته د منلو وړ نه دي او پدې پوسټ کې د عقل د څښتنانو لپاره سترې نښې نښانې دي.