له څو اونيو راهيسې د هلمند والي او ځينو نورو دولتي ارګانو پرېکړه کړې چې ټول روغتيايي مراکز د روغتيا رياست سره راجستر کړي.
ټول غير راجستر روغتيايي مراکز او درملتونونه وڅېړل شول او لېست يې چمتو شو. د روغتيايي مراکزو او دې درملتونو مالکانو ته پيغام واستول شو چې د رېجسترشن پروسه پشپړه کړي. په دې پروسه کې د هلمند يوه سناتور له کابله د دغه روغتونو او درملتونو مالکانو ته ويلي چې د دولت کيسه کې نشي او خپل کار ته دې دوام ورکړي په والي يې هم فشار راوستى چې راجستر نشي. له يوه سناتور هيله ده کېږي چې دولتي پرېکړې تاييد کړي نه دا چې د مافيايي کاروبار د يوه مشر غوندې ددې پروسې مخالفت وکړي.
غير راجستر شوى روغتون په دې معنا چې د انسانانو له ژوند سره لوى ظلم روان دى، دوى ماليه هم غلا کوي او قصابان يې د ډاکټر په نامه مقرر کړي. هيله ده چې د ورغتيا وزارت له سناتور پوښتنه وکړي او څارنوالۍ کې دوسيه ورته واچوي چې دى خو به د بدلو درملو تجارت کې ښکېل نه وي؟
